Санаи 08.07.2026 дар маҷлисгоҳи Институти омӯзиши пиряхҳо ва криосфераи АМИТ семинари илмии навбатӣ бахшида ба ҷашни 35- солагии истиқлолияти давлатии Тоҷикистон баргузор гардид.
Дар кори семинар Сафаров Маҳмад – ходими илмии шуъбаи Гидрометерология ва тағйирёбии иқлим дар мавзӯӣ: “Арзёбии такроршавии равандҳои синоптикӣ, ки бо воридшавии чангу ғубор ба Тоҷикистон дар соли 2025 алоқамандан” баромад намуданд.
Бар асоси таҳқиқотҳои, ки ба омӯзиши саҳми равандҳои синоптикӣ дар ташаккул ва рушди чангу ғубори ба ҳудуди Тоҷикистон дар соли 2025 воридшаванда, 64 ҳодисаи чангу ғубори тавассути воридшавии ҳавои сарди шимолӣ, шимолу ғарбӣ ва ғарбӣ ба амаломада муайян карда шуд. Саҳми ҳавои сарди аз шимолу ғарб, ғарби воридшаванда 55%, ва ҳавои тавассути антисиклони бебориш воридшаванда 45% мебошад.
Исбот карда шудааст, ки манбаъҳои ташаккулёбии чангу ғубор аз ҷиҳати ҷойгиршавии ҷуғрофӣ ва хусусиятҳои физикии пайдоиши заррраҳои аэрозолиашон хеле гуногунанд. Тасдиқ шудааст, ки афзоиши назарраси ғафсии оптикии зараҳои аэрозол ва коҳиши параметри Ангистом бартарии зарраҳои минералии калонҳаҷмро дар таркиби аэрозол нишон медиҳад, ки мустақиман ба тавозуни радиатсионӣ ва шароити иқлими маҳал таъсир мерасонад.
Бори аввал муқоисаи байни усули синоптикӣ, аксҳои кайҳонӣ ва модели HYSPLIT ҷиҳати омӯзиши траекторияҳои ҷараёни ҳавои, ки воридшавии чангу ғуборро дар ҳама сатҳҳои минтақаи фронталӣ ҳамроҳӣ мекунад, гузаронида, робитаи зичи онҳо нишон дода шуд.
Дар фарҷом миёни иштирокчиёни семинар, олимони ҷавон ва мутахассисони Институт оид ба мавзӯӣ зикршуда мубодилаи афкор сурат гирифт.
